Extracción da tarxeta de memoria
Importante: Non retire a tarxeta de memoria durante unha operación na que
se estea accedendo á mesma, xa que podería producir danos na tarxeta de memoria
e no dispositivo e danar os datos almacenados na tarxeta.
1. Se o teléfono está aceso, antes de retirar a tarxeta, prema a tecla de acendido e
seleccione Retire tarxeta memo..
2. Cando se amose a mensaxe Retirar a tarxeta de memoria ? Pecharanse
algunhas aplicacións., seleccione Si.
3. Cando se amose a mensaxe Retire a tarxeta de memoria e prema
"Aceptar", abra a tapa da rañura da tarxeta de memoria.
4. Prema a tarxeta de memoria para extraela da rañura.
5. Retire a tarxeta de memoria. Se o dispositivo está acendido, seleccione
Aceptar.
4. Realización de chamadas
Pantalla táctil en chamadas
O teléfono dispón dun sensor de proximidade. Co obxectivo de alargar a vida da
batería e de evitar seleccións accidentais mentres ten o teléfono na orella, a pantalla
táctil desactívase automaticamente durante as chamadas.
Non cubra o sensor de proximidade, por exemplo, cunha
película ou cinta de protección.